Argitalpenak

Duela egun batzuk aurreratu genuen bezala, irailetik kalean da “Zazpi etxe Frantzian” eleberriaren ingelesezko azkenengo edizioa. Oso harrera ona gauzatzen ari da, gainera, Estatu Batuetan.

Iraila hasieratik kalean da “Zazpi etxe Frantzian” eleberriaren azkenengo edizioa, Graywolf argitaletxeak Estatu Batuetan atera berri duena. Argitalpenaren unetik harrera ezin hobea jasotzen ari da.

Aste honetan argitaratu eta aurkeztuko da Bernardo Atxaga idazlearen azkenengo lana. “1937 bizitzak eta bonbak” izenburupean, 4 idazleren beste hainbat kontakizun biltzen ditu, guztiak ere 1937ko gerra garaian kokatutakoak. Atzo, apirilak 25, Gernikan aurkeztu zen eta bihar, apirilak 27, Eibarren.

Elizabete Manterola Agirrezabalaga ikerlariak tesia argitarau du: “Euskal literatura beste hizkuntza batzuetara itzulia. Bernardo Atxagaren lanen itzulpen moten arteko alderaketa”. Euskal literatura itzulia izan du ikerketagai Manterolak eta, bereziki, Bernardo Atxagaren lanak nola itzuli diren aztertu du.

Lehenago ere Frantzian salgai zegoen arren, joan den urtarrilean berriro argitaratu da “Mémoires d’une vache” (“Behi euskaldun baten memoriak”) frantsesez.

Etxepare Euskal Institutuak bi liburu berri argitaratu ditu. Tartean, Bernardo Atxagaren azken lana “Borrokaria”, hiru hizkuntzatan: euskaraz, gaztelaniaz (“El luchador”) eta ingelesez (“The fighter”).

“Cuadernos de Narrativa” liburu-bildumaren azken aleak Bernardo Atxagaren literatura du ardatz. 2009ko “Grand Séminaire de Neuchâtel. Coloquio Internacional Bernardo Atxaga” delakoan izandako hitzaldi eta ponentzien bilduma da. Neuchâteleko (Suitza) Unibertsitatean izan zen Jardunaldia, 2009ko martxoaren 23, 24 eta 25 bitartean. Irene Andres-Suárez eta Antonio Rivas Bonillo dira egileak.

Bernardo Atxagaren “Zazpi Etxe Frantzian” liburuaren italierazko itzulpena argitaratu da berriki, “L’ottava casa”.

Azaro hasieran argitaratu zen Atxagaren azken eleberria ingelesez, “Seven Houses in France”. Harrezkero harrera ona izaten ari da. Hauxe da ingelesez argitaratzen den Atxagaren seigarren lana.

Bernardo Atxagak zuzendu eta Euskaltzaindiak argitaratzen duen Literatura Aldizkaria 5. zenbakira iritsi da. Datorren astean aurkeztuko da Bilbon. Oraingoan, autoak eta komikia dira aldizkariaren hari nagusia.