Argitalpenak

Gaur goizean aurkeztu da Donostiako Koldo Mitxelena kulturgunean Bernardo Atxagaren nobela berria: Zazpi etxe Frantzian.

“Soinujolearen semea” eleberriak beste itzulpen baten jaiotza ikusi du, suedierazko “Dragspelarens Son” (Bonniers Forlag, 2008). Suedia aldetik iritsi diren lehenengo kritikak ere oso onak izan dira.

Orain dela aste batzuk aipatu genuen bezala, kalean da “After Shocks: The Poetry of Recovery” bilduma, tartean Atxagaren poema batekin.

2008a argitalpen berriekin iritsi da. Soinujolearen semea argitaratuko da Britainia Handian eta Estatu Batuetan, Obabakoak liburuaren berrargitalpenak egingo dira ingelesez, eta Gizona bere bakardadean kaleratuko da Israelen.

Oraintsuan argitaratu da Britainia Handian “The Accordionist’s Son” (Soinujolearen semea). Orain arte izan duen harrera oso ona izan da.

Ons Erfdeel argitaletxe nederlandarrak liburu bat kaleratu du Europako hizkuntzen inguruan. Hamasei hizkuntzatan idazten duten hamasei idazleren hitzak bildu dira, tartean Atxaga eta euskara.

Einaudi argitaletxe italiarrak “Racconti di montagna” (Mendiko ipuinak) bilduma kaleratu du. Hainbat idazleren testuak biltzen dira bertan, tartean Bernardo Atxagaren ipuin bat.

Frankfurteko Liburu Azokarekin batera kaleratu da, Samleren argitaletxearen eskutik, “Soinujolearen semea” liburuaren danierazko bertsioa.

Gaur hasita, Atxagaren “Astakiloen abenturak” ipuin bilduma banatuko da BERRIArekin. Bernardo Atxagaren ipuinak dira, Jokin Mitxelenaren marrazkiekin. Orain dela 20 urte, 1987an, argitaratutako “Flannery eta bere astokiloak” bildumaren argitalpen berritua da.